එකට හෙතුව මේ පුවත් දෙකම අලුතින් පටන් ගන්න මේ දක්වා වෙලදපොලට ඇවිත් නැති ( මම දන්න විදිහට )ජංගම දුරකථන මෙහෙයුම් පද්ධති දෙකක් වීම. මේ බ්ලොග් එකේ අපේ අරමුන ඇන්ඩ්‍රොයිඩ් මෙහෙයුම් පද්ධතියට ඇප් ලියන්ඩ ආරම්භයක් ලබා ගැනීම උනත්, මේ ක්ෂේත්‍රයේ වෙන මේ වගේ වෙනස්කම් දැනගෙන ඉන්න එක අපේ අනාගතයට හොදයි. මොකද වෙනස්කම් ඉක්මනින් දිගටම සිදුවෙන එකට සූදානමින් දැනුවත්ව සිටීම අත්ය්‍යාවශ්ය නිසා.
යොල්ලා කියන්නෙ මොකක්ද?යොල්ලා කියන්නේ 2011 - මාර්තු මාසේ ෆින්ලන්තේ පටන් ගත්ත ෆොන් හදන කොම්පැනියක්( www.jolla.com ).
හැමොම දන්නවා නේ ෆින්ලන්තෙ කිව්වාම අපිට මතක් වෙන්නෙ නොකියා ෆෝන් එක. යොල්ලා කියනනේ ෆිනිෂ් වචනයක්. තේරුම ඩිංගි බෝට්ටුව කියන එක.මෙයාලා, මෙයාලගේ යොල්ල ෆෝන් එකට පවිච්චි කරන්ඩ යන මෙහෙයුම් පද්ධතියට කියන්නේ සේල්ෆිෂ් (මාලුවෙක් ගෙ නමක්) කියලා. මතක ඇතිනේ මීගො කියලා මෙහෙයුම් පද්ධතියක් ලිනක්ස් පදනමෙන් ගෙනිච්චා නොකියා වල අනුග්‍රහයය ඇතිව. මේ ව‍ය්‍යාපෘතිය අතඇරලා දැම්මා නොකියා සමාගම. ඊට පස්සේ එක තවදුරටත් ඉස්සරහට ගෙනිච්වේ මේකෙ වැඩ කරපු ඉංජිනෙරුවරු. ( සමහරවිට ජොබ් නැතිවෙන්ඩ ඇති මීගො නැවතුන නිසා ).මෙයාලා කොම්පැනි එක සෙට් අප් කරලා තියන නගරයේ මුලු ජනගහනය 18,000. මුලින්ම සල්ලි දීලා තියෙන්නේ ෆීනිෂ් ආන්ඩුව අලුත් කොම්පැනියකට කරන අනුග්‍රහයක් විදිහට. ඉතින් මේ වගේ පොඩියට පටන් ගන්න කොම්පැනියට තරග කරන්න වෙන්නේ ඇප්ල්, නොකියා, සැම්සුන් වගෙ ෆොන් කොම්පැනි එක්ක සහ, ඇපල් IOS, ඇන්ඩ්‍රොයිඩ් වගේ මෙහෙයුම් පද්ධති එක්ක.මට මෙයලගේ ප්‍රොග්‍රෙස් එක බලනකොට හිතුනා ඇයි අපේ වගේ රටවල් වල ඉන්න දැනුම තියන කොල්ලො කෙල්ලො මෙ වගෙ ප්‍රොජෙක්ට් පටන් ගන්නෙ නැත්තේ කියලා. ඒක වෙනම ප්‍රශ්නයක්.
ඉතින් කැමතිනම් මේ ලින්ක්ස් වලට ගිහින් බලන්ඩ් මෙයාලගෙ ප්‍රොජෙක්ට් එක ගැන.
සයිට් එක
www.jolla.com
මෙතන තියනවා යොල්ලා එකෙන් නිකුත් කරන ඔක්කොම වීඩියොස්.
http://www.youtube.com/user/jollaofficial
මෙයලගේ SDK එක නිකුත් කරන්නේ 2013 පලවෙනි කාර්තුවේ.
https://sailfishos.org/wiki/Main_Page
ඉතින් යොල්ල වලට ඇප්ස් හදන්ඩ ඉන්නව නම් ඒ ගැන දැන් ඉදන් හිතුවානම් හරි.
ටීසෙන් කියන්නෙත් යොල්ලා වගේම ලිනක්ස් පදනම සැම්සුන් සමාගම එක්ක එකතු වෙලා හදන මෙහෙයුම් පද්ධතියක්. පේන විදිහට සැම්සුන් සමාගම ඇන්ඩ්‍රොයිඩ් මතම ත්මන්ගේ ෆ්‍රොන් යැපෙන එකේ තියන අනතුර තේරුම අරන් වගේ. ඉන්ටෙල් සමාගමත් මේ වැඩේට එකතු වෙලා ඉන්නවා. එයාල එයලගෙ SDK එකත් නිකුත් කරලා ඉවරයි. එ එක්කම නිවුස් එකක් තිබුනා සැම්සුන් එයලගේ S3 ෆෝන් එක ටීසෙන් වලිනුත් නිකුත් කරන්ඩත් තීරනය කරලා කියල. සයිට් එක
https://www.tizen.org/
SDK එක
https://developer.tizen.org/downloads/sdk
අනාගතේ ගොඩක් වෙනස්කම් වෙයි, දැනට ඇන්ඩ්‍රොයිඩ් සහ ඇපල් තම ලොක්කො. දෙවල් වෙනස් වෙන කොට අපිත් ඒවා ගැන් අවධානයෙන් ඉදල ඉක්මනට අවශ්ය්‍ය දෙවල් ඉගෙන ගත්තොත් , හැමවෙලේම අපිට සහ රටට වාසියි.
