ඇන්ඩ්‍රොයිඩ් ඇප්ස් ලිවීමට ඉන්ස්ටෝල් කලයුතු වැඩසටහන්-3 : ඇන්ඩ්‍රොයිඩ් ඩිවොලොප්මන්ට් ටූල්ස් ( ADT )

ඇන්ඩ්‍රොයිඩ් ඩිවොලොප්මන්ට් ටූල්ස් ( ADT )

කලින් ලිපියෙදි එක්ලිප්ස් වැඩ කරන්ඩ අත්‍යාවශ්‍ය , ජාව ඩිවොලොප්මන්ට් කිට් එක ඉන්ස්ටෝල් කරන හැටි මම කිව්වා. දැන් එක්ලිප්ස් වැඩ කරාට ඒක ඇන්ඩ්‍රොයිඩ් කෝඩ් ලියන්ඩ සුදුසු තත්වයට පත් කර ගන්ඩ තව වැඩසටහනක් ඉන්ස්ටෝල් කරන්ඩ ඔනි, ඒ තමා ADT නැත්නම් ඇන්ඩ්‍රොයිඩ් ඩිවොලොප්මන්ට් ටූල්ස්.ADT ඉන්ස්ටෝල් කලාට පස්සේ, අලුත් මෙනු අයිටම්  ටිකක් සෙට් වෙනවා එක්ලිප්ස් එකේ මෙනු බාර් එකට.හරි වැඩේ කරලම බලමු මොකද වෙන්නේ කියලා.

මේක ලියන්නෙත් ගූගල් ඇන්ඩ්‍රොයිඩ් වල තියන තොරතුරු වලින්. වැඩිවිස්තර ඔනි නම් මෙතනින් බලන්න.
http://developer.android.com/sdk/installing/installing-adt.html

හරි ඉස්සෙල්ලාම , එක්ලිප්ස් පටන් අරන්, පහල පින්තූරෙ තියන විදිහට help>install new software  මෙනු එකට යන්න

එතනදි, මෙන්න මේ වගේ සංවාද කොටුවක් තමා එන්නේ.ඒකේ "Add" බොත්තම ක්ලික් කරන්න.

මෙතනදි,"Add Repository" සංවාද කොටුව . එනවා. මට තේරෙන විදිහට , මෙතනදි වෙන්නෙ, ඇන්ඩ්‍රොයිඩ් ඇප්ස් හදන්ඩ අවශ්‍ය වෙන software tools ටික තියන තැන කියන එකයි.මම මෙතන දාල තියන නම හෝ වෙනත් නමක් පාවිච්චි කරන්ඩ පුලුවන්...නමුත් URL එක නම් ඒකම වෙන්ඩ ඔනි. මොකද එත්නින් තමා download වෙන්නේ.

ඔකේ කරාට පස්සේ මෙන්න මෙ වගේ සංවාද කොටුවක් ඔපන් වෙනවා. මෙකෙන් කියන්නේ අපි මුලින් දුන්න URL එක තියන Server එකේ තියන්නේ එක්ලිප්ස් වලට හදුනාගන්ඩ පුලුවන් වැඩසටහන් 2 යි. එකක්,  ඩිවෙලොපර් ටූල්ස් (ADT) අනික, නේටිව් ඩ්වෙලොප්මන්ට් කිට් (NDK). මෙතන NDK කියන්නේ, ඇන්ඩ්‍රොයිඩ් වැඩසටහන් ඇතුලට C++ වගෙ කෝඩ් කැලි දාලා ලොකු වැඩ කරන සීන් එකක්. ඒවා දැනට අදාල නැති නිසා, මම ඩිවෙලොපර් ටූල්ස් විතරක් තෝරනවා.

නෙක්ස්ට් ක්ලික් කරාට පස්සේ, ADT වලට අදාල ටූල්ස් සෙට් එකක් පෙන්නනවා..ඩවුන්ලෝඩ් වෙන්ඩ යන..

ඊට පස්සේ ඇග්‍රීමන්ට් එක

ඔකේ කරලා ෆිනිශ් ක්ල්ක් කරාම ADT බැවෙන්ඩ පටන් ගන්නවා..

මේක බෑ උනාට පස්සේ එක්ලිප්ස්, දන්නවා මම හිතන්නේ, අපි ඇන්ඩ්‍රොයිඩ් ලියන්ඩ තමා සෙට් වෙන්නේ කියලා. එක නිකම්ම මෙන්න මේ ස්ංවාද කොටුව පෙන්නනවා.

ඒකඇන්ඩ්‍රොයිඩ් එස් ඩී කේ එකක්(Android SDK) ගැන අහනවා...මේක ගොඩ දා ගන්නේ කොහොමද කියලා මම ඊලග ලිපියෙන් කියන්නම්...

පසුව ලියමි
------------
මම කලින් කිව්වා වගේ, මේ මතෘකාව ගැන මම ඉගෙනගෙන නෑ. ඉතින් , ඇන්ඩ්‍රොයිඩ් ඩිවෙලොප්මන්ට් කරන අය, සහ අත්දැකීම් තියෙන අය කොමෙන්ටුවක් දලා මම බොරු කිව්වොත්, ඒවා නිවැරදි කිර්‍රමෙන් සහ තමන්ගේ අත්දැකීම් බෙදා ගැනීමෙන්, මේ  ගැන ඉගෙන ගන්ඩ කැමත්තෙන් ඉන්න සිංහලෙන් ඉගෙන ගන්න සහෝදර සහෝදරියන්ට උදව්වක් වෙයි.